एप्पलले चुपचाप बनाइरहेछ च्याटजीपीटीको प्रतिस्पर्धी ?

वासिङ्टन डीसी । आइफोन निर्माता कम्पनी एप्पलले एउटा विशेष परियोजनामा काम गरिरहेको छ । यस परियोजनाको उद्देश्य च्याटजीपीटीको प्रतिस्पर्धी बनाउनु भएको बुझिएको छ ।

यसका लागि कम्पनीले एउटा नयाँ युनिट नै खडा गरेको छ । सञ्चार माध्यममा छापिएका खबरका अनुसार यस युनिटको नाम एन्सर्स, नलेज र सूचना हो । छोटकरीमा यसलाई एकेआई नाम दिइएको छ । यो जानकारी ब्लूमबर्गका मार्क गुरम्यानको रिपोर्टबाट प्राप्त भएको हो ।

एकेआईको काम एआई AI Focused AI chatbot तयार पार्नु हो । यसको सहायताले प्रयोगकर्ताले विश्वभरका जानकारी निकै सहजतापूर्वक प्रयोग गर्न सक्नेछन् । यो टोलीको अगुवाइ रोबी वाल्करले गर्नेछन् । उनी यस अघि सिरिको एक्जिक्यूटिभ रहिसकेका छन् ।

सिरि एआई असिष्टेन्ट प्लेटफर्म हो । एप्पलका एआई चिफ जोन जियानान्ड्रे हुन् । रोबी वाकरले जियानान्ड्रेलाई रिपोर्ट गर्नेछन् । एप्पलले पहिले नै सिरिमा च्याटजीपीटीलाई समावेश गर्न ओपनएआईसँग साझेदारी गरिसकेको छ ।

अब भने आफ्नो एआई रणनीतिलाई विस्तार गर्दै कम्पनीले आफ्नै एआई प्लेटमर्फ बनाउन खोजिरहेको छ ।